目前分類:PP Food (9)

瀏覽方式: 標題列表 簡短摘要
2016美食博覽就到囉~不知大家是否已安排好一天去遊走三大展館呢?
上篇只是輕輕略過美食博覽的內容,而今次會重點介紹榴槤粉絲們的至愛—醉榴香
醉榴香今年會舉行「搶水晶月餅」遊戲,頭三位勝出者可以免費吃一世榴槤冰皮月餅
活動如此豐富吸引,榴槤的粉絲們立即預先觀看活動內容吧!
 
馬拉榴槤專家醉榴香,於2005年登陸香港,以首創榴槤冰皮月餅而馳名。推出後,旋即受到廣大消費者的歡迎,成為了醉榴香招牌產品。與一般產品比較,醉榴香堅持品質至上、積極創新,與時並進。
 
醉榴香  Booth:公眾館 1D-C02
▲有興趣參賽者只需於美食博覽首日(11/8)第一時間來到醉榴香攤位(公眾館 1D-C02)頭三位以$1即可參加「搶水晶月餅」遊戲,勝出者於即場可獲贈貓山皇榴槤冰皮月餅一盒(價值$808),同時更舉行巨型支票頒贈儀式。
 
遊戲玩法
▲遊戲玩法非常簡單,在30秒內徒手從水晶箱內取10個或以上的榴槤水晶月餅,即可勝出。勝出者每年可於醉榴香換領一盒貓山皇榴槤冰皮月餅,榴槤的粉絲們準備好去參加沒有?
 
▲除了遊戲活動,攤位亦售賣多種不同款式的榴槤月餅,榴槤的粉絲們千萬不要錯過囉!
 
▲發布會當日,我亦有幸帶了一盒迷你 D24榴槤冰皮月餅回家試食,一盒共有6個。
 
醉榴香  迷你 D24榴槤冰皮月餅  50G x 6
香港製造,領取月餅後兩小時內,必須放回-18度冰格內儲存,開封後,仍須放進冰格及在1星期內吃完。
 
▲迷你版是兩個裝,小小的對我來說剛剛好,因為我不太吃榴槤,而家人卻特別喜愛!
於冰格拿出來先解凍10分鐘左右即可食用!包裝一打開已經飄來一陣榴槤味~
 
▲冰皮非常軟身,幾乎入口即溶,而榴槤口感軟滑,真材實料的榴槤果肉,口腔中留下陣陣榴槤的香氣,相信榴槤的粉絲吃過後會回味無窮~今年的美食博覽,愛好榴槤者不容錯過醉榴香的攤位喔!
2016美食博覽攤位:公眾館 1D-C02
 
有關醉榴香chuilauheung
銷售點
銅鑼灣軒尼詩道499號永光商業大廈17樓全層
荔枝角長順街1號新昌工業大廈4樓408室
查詢電話:2126 7155
 
 
email: noshan2009@gmail.com
 
有關產品及資料由醉榴香提供,以上全屬個人分享,如有興趣,請自行向該品牌查詢
文章標籤

PP 發表在 痞客邦 留言(0) 人氣()

依家既甜品已經愈整愈靚,個個都搶住潮聖影相po上網,
不過依家除左甜品本身既外形之外,仲可以用佢地黎畫一幅畫,
打造全新既甜食藝術,中意甜品同影相既大家一定會大讚!
ATUM Desserant已經見過唔少朋友po相打卡,我今次都去埋一份喇!
 
環境唔算好大,但勝在有空間感,唔同覺得壓迫,座位係枱吧形式,
而中間就係甜品師傅既天地,佢地會為你畫出一幅幅食得既畫像。
另外都會有卡位提供等侯,佈置簡約得黎有風格,周圍都掛起幾幅抽象畫
 
同chicken岩岩坐低,店員已經放左兩枝番石榴汁,等我地清清喉嚨,
飲落去甜中帶微酸,味道好清香,洗淨個味覺就開始重頭戲!
就係meau上既Improvisation,包埋兩杯飲品,而且可以自選風格同底色,
我同chicken都毫無頭緒,就比甜品師傅自由發揮xdd 仲可以係幅畫到加字,
令自己都可以參與其中!
 
過程中,甜品師傅每一步都令我地覺得好神奇,一筆一劃再掃開,已經出現左唔同既畫面。
 
簡單既點線面,已經打造好多可能性,真係好佩服佢地咁有創意xd
 
做好初步構圖就開始放置材料,就姐係我地既主菜xdd
材料都好多好豐富,有多款口味令你唔會覺得悶
 
而我地既主菜就放置左係左右四角,字樣就寫左係上方,
中間當然要留比要隆重出場既主角!
 
就係即製既液態氮化分子雪糕喇,現場仲會飄出好多煙霧出黎,非常吸睛!
我地慢慢見證住由一盆唔起眼既水,變做凝結左既雪糕塊~
 
我地對眼完全離唔開幅畫,由原本既空白一片慢慢繪簑成一幅藝術畫像,
你話點捨得食呢?哈哈,咁就唯有相機食先,作品完成後,甜品師亦好樂意幫我地影相~
 
先講一下甜品材料喇,包括有柑桔啫喱、熱情果辣椒奶凍、抹茶味麻糬、朱古力奶凍、
黑朱古力脆片、 香蕉鮮忌廉、焦糖脆脆等等,材料醬料都多到數唔晒,你以為一幅甜品畫會唔夠飽?
咁你就錯喇!係絕對夠飽,加埋飲品仲會有突XDD
味道又如何呢?當然要賣下關子,自己黎試喇XP
 
喂喂仲有主角呀,雪糕有兩種味,包括係竹炭朱古力同西柚雪芭,竹炭朱古力完全係我杯茶,
香濃既可可味而且唔會太甜,又冇黑朱古力果種苦澀味,口感雖然係碎塊但入口即溶,
而西柚雪芭對我地黎講都覺得太酸,酸中帶左苦澀味,溶化時候特別明顯。
 
Insomnia,最後緊係唔少得餐飲,其實姐係蜜糖牛奶,口感奶滑,飲落唔會太甜,
加上簡單既蜜糖拉花,簡潔又帶幾分純潔,奶味中帶啲甜甜的,唔錯~
 
 
*餐廳評分*
味道:★★★
環境:★★★★
服務:★★★★
衛生:★★★
抵食:★★★
 
 
ATUM Desserant
地址:銅鑼灣駱克道459-461號The L. Square 16樓
電話:2956 1411
 
 
評分詳情可按以下OpenRice連結喔!
 
email: puishan123456@yahoo.com.hk
 
 
以上全屬個人分享
文章標籤

PP 發表在 痞客邦 留言(0) 人氣()

一直都好想養貓,但因為屋企環境唔允許,所以都只係個諗法而且!
不過有時想搵下貓貓玩,除左鋪頭養既貓之外,
貓貓CAFE都係個唔錯既流連地方,有得食又有得玩,一舉兩得!
不過依家都多左好多貓貓CAFE既選擇,
而我同朋友就去左近期大熱既貓咪貓咪HOME
 
貓咪貓咪HOME原來已經開左兩間,主要都係樓上CAFE
而我地揀左近我地位置既果間,地方唔算太難搵,而且指示都幾清晰。
客人需要著襪、除鞋先可進場,而且CAFE有人數限制,唔想白行一敞可以先BOOK定位。
 
CAFE設有最低消費,不過計番埋都唔太貴,
平日去加六點前離座都只係$50咋,每人一個小食飲品都夠晒~
而環境地方有別於平時既貓CAFE,佢地係用正常既枱櫈高度,
但貓貓們依然自如跑跳追逐,係枱櫈之間左右穿插,而我地都坐得舒服啲~
 
貓CAFE當然唔少得佢地既貓家俬,後面仲擺放左個鋼琴,可惜冇學鋼琴冇得露兩手XD
鋼琴加貓咪,幻想都覺得舍意,氣氛好適合情侶/朋友聚會,大家一邊食野一邊玩貓貓~
 
除左貓貓,大家都可以拎board games黎玩,同朋友玩左一兩場,都係貓星人吸引啲~
貓星人們都好活潑,好樂意同你玩,有啲玩到攰就訓係同伴堆埋休息,見到個場面都好治癒!!
 
係張大班椅到發現一堆懶洋洋既貓星人,估下依到有幾多隻貓星人?
 
兩隻貓星人互相依偎既浪漫場面,認真夠SWEET!
 
貓星人有特別訓教技巧。
 
仲有無限肉球任掂任影唔嬲,肉球我黎喇!!!
 
唔好打擾朕休息。
 
喵⋯⋯
 
依隻訓足全日呀!而且朋友發現,貓星人係會打鼻鼾@口@!!
發現新大陸咁,影低又肥又懶既肥貓貓^3^
 
 
貓咪貓咪HOME既貓貓大部分都係流浪貓同領養而黎,
有左依間CAFE,貓貓們有個屋企,又可以同大家玩,
店主實在太有心喇!愛貓人士都可以黎支持一下~
每隻貓貓都會掛左個頸圈,而且掛住左佢地既名牌,細心留意一下就知道佢地既名~
頸帶有分藍色同紅色藍色則係男仔、紅色就係女仔,依個方法可以清晰展示比客人知呢~
 
雞扒日式麻醬烏冬
對於胡麻醬加烏冬我係無法抗拒,碟上有可愛貓貓公仔,
胡麻醬偏水,烏冬同雞扒係熱,但胡麻醬就偏凍,有啲唔夾,
不過都接受到,雞扒就中規中矩,整體尚可。
 
蜜糖雞翼
有幾隻煎得比較窿,所以食落會有少少苦味,
而且一食就知係冰鮮雞,雞翼應該冇出水所以有陣味,
還可接受,味道中下,希望店員可以更加努力~
 
法式芝士焗薯條
估唔到份量咁多!開頭以為只係一細份,嗌一個兩人食都好夠多,
半溶芝士加薯條既味道唔錯,口感則偏淋
 
同朋友分別嗌左荔枝梳打同提子梳打,荔枝個味唔係太出,而提子就比較入味,
不過飲耐左會只覺甜味,所以要係佢仲有氣前飲比較好
 
 
*餐廳評分*
味道:★★★
環境:★★★★
服務:★★★★☆
衛生:★★★
抵食:★★★★
 
 
貓咪貓咪HOME
地址:旺角彌敦道566-568A號僑建大廈2樓
電話:6832 6990
 
 
評分詳情可按以下OpenRice連結喔!
 
email: puishan123456@yahoo.com.hk
 
 
以上全屬個人分享
文章標籤

PP 發表在 痞客邦 留言(0) 人氣()

在家吃過飯後,總是想找點零食、雪糕等等的小吃過口癮,
貪吃但又怕長胖,其實大家有沒有想過可以健康地吃甜點呢?
急凍海燕椰皇凍梳乎厘都是一個不錯的甜點選擇呢@_@
 
急凍海燕 (寒天) 椰皇凍  $180  6個
Frozen Coco Glace 
 
原產地泰國一級優質椰皇,清甜椰汁混合頂級海燕烹煮而成。獨立真空包裝,衛生可靠,
擁有豐富膳食纖維及低卡路里,有助腸臟蠕動、利便及塑身,凍食熱食佳宜。
椰皇凍淨重 220 克,需要儲存於 -18℃ 或以下的冰格 
 
食用前需要解凍,可放於雪櫃 0-4℃ 解凍數小時或利用微波爐解凍功能解凍 5-10 分鐘後,即可享用。
而我則較喜歡熱食,解凍後用微波爐小火功能加熱 1-2 分鐘或用熱水加熱。
 
在解凍的時候,微波爐已經傳出陣陣的椰香,海燕椰皇多肉又多汁,椰汁清甜解渴,
是甜而不膩的那種,海燕口感很像啫喱,軟軟滑滑的,份量也很多呢~
而且可以用匙羹輕易地把整個椰皇肉起出來吃,實在有夠過癮!!
椰肉口感嫩滑,散發淡淡的椰香,暖暖的椰汁和肉真的一級棒~
$180有6個,平均每個也是$30,不用費力氣開椰子就可以吃到椰皇和海燕呢~
是一個既方便又健康的甜點呢!
 
另外還有梳乎厘,每個也是獨立包裝,更有三種不同的食法
解凍10分鐘:雪糕批口感 
解凍20分鐘:廉慕絲餅口感
解凍 30分鐘:軟雪糕口感
鮮芒果香橙梳乎厘-外層是香橙味的蛋糕,內裡包著芒果味的cream,cream裡亦有芒果果肉,
份量剛好是飯後一點甜,作個宵夜也不錯~
 
黑芝麻紅豆抹茶梳乎厘-蛋糕是抹茶味的,吃下去是香濃的黑芝麻味和粒粒的紅豆,味道甜而不膩呢
 
咖啡朱古力梳乎厘-咖啡味的蛋糕,中間會有朱古力的脆片,解凍20分鐘,口感是軟雪糕更好吃呢~
 
草莓脆脆士多啤梨梳乎厘-味道偏甜的士多啤梨蛋糕,內餡很豐富,會有一些脆脆增加口感,氣味香得來很吸引!
 
紅豆抹茶梳乎厘-抹茶味的蛋糕最好吃,抹茶配紅豆更是絕配的配搭,紅豆能增加口感層次,吃過後好想再吃杯抹茶紅豆雪糕!
 
紫薯抹茶梳乎厘-抹茶味的蛋糕,內裡配搭紫薯蓉,有淡淡的薯味,口感很軟滑~
 
牛奶脆脆朱古力梳乎厘-朱古力蛋糕和朱古力碎,朱古力碎有點硬,不易溶於口中,每天吃個甜點也不錯!
 
 
有關創興策劃
自2004年開始專門經營急凍生果原材料進出口及批發,一直堅持"新鮮零添加"原則,直接由原產地選購及生產包裝。
銷售點:新界葵涌圳邊街 1 號南華工業大廈 19 樓 04 室
電話:3528 2342
 
 
 
 
 
email: puishan123456@yahoo.com.hk
 
有關產品及資料由創興策劃提供,以上全屬個人試用分享,如有興趣,請自行向該品牌查詢
文章標籤

PP 發表在 痞客邦 留言(0) 人氣()

自食過佢地既Creme Brulee Cheese Cake之後,
一直就念念不忘想再安哥多一個!
不過今次就冇麻煩朋友喇~親自上埋去視察環境XD
 
餐廳位於商場內,而且係開放式經營,冇實體鋪位既局限煩惱,
時不時周圍望下睇下景都唔錯,好岩情侶黎食下野拍下拖XD
 
黎到後就不自覺地望向雪糕櫃果邊,見到真係好吸引,
餵食既我毫不猶豫嗌左兩球XD(食完先記得要買蛋糕- -)
 
嗌左熱情果同荔枝味,兩隻既味道都唔會假,而且仲好香濃
雪糕軟熟又易入口,愈食愈開心呀XD
 
食完就到重點喇~不過我緊係唔會自私食咁衰(未食到一半都飽死左),
同屋企人分黎食係仲更加開心XD 因為佢地都好中意食呢~
 
Creme Brulee Cheese Cake(HK$78),最愛既蛋糕已經放係我面前喇!
蛋糕面有薄薄既一層焦糖,望落已經心心眼><
打開個盒濃郁既芝士香味已經飄晒出黎~
 
存放設計亦都唔錯,有塊牛油紙包住個底,
拎出黎極之方便,一撕就可以成個攞去切
 
味道依然咁好食,芝士味濃得黎,口感食落有焦糖既少少脆,蛋糕既幼滑,
真係食極都唔會覺得厭xd!好中意佢濃郁既Cheese口感~
如果佢出多幾隻唔同味道就更加好><到時一定又要黎支持~~
 
*餐廳評分*
味道:★★★★
環境:★★★★☆
服務:★★★★☆
衛生:★★★★☆
抵食:★★★★☆
 
Spade by Lassana
地址:油塘高超道38號大本型地下G28號舖
電話:2346 0828
 
 
評分詳情可按以下OpenRice連結喔!
 
 
email: puishan123456@yahoo.com.hk
以上全屬個人分享
文章標籤

PP 發表在 痞客邦 留言(0) 人氣()

約左一班愛貓朋友黎貓の茶房探貓星人,
黎到最主要既目的當然就是貓!地方好易搵,地鐵一出行落天橋,
遠看就見到大大既招牌~

 
一進場店員就會吩咐大家消毒雙手及細閱注意事項,
依個貓星人地方首小時$60,第二個小時起則每小時$30
 
地方環境十分寬大,有幾張貓貓既設施及座柗,而且周圍都有好多貓星人呢~
冇咩特色既裝修,主要都係貓既設施同用品
門口仲有逗貓棒,不過貓貓們性格各不同,有啲中意玩有啲唔理我~
 
有張好大既比卡超沙發,睇落軟綿綿坐落一定好舒服xd
 
有個貓貓產品專櫃,文具至家品都有,好適合愛貓人士選購~
 
茶房當然不少得主打既茶喇~而且都有其他飯類或小食,玩貓之餘又食到野,價錢都唔會貴
 
最欣賞係有領養版!有愛心既愛貓之人就可以領養,唔洗晒錢幫襯寵物店,每隻貓貓都值得大家愛呢~
 
好多貓聚集一齊搶食呀xd店內可以買貓們最中意既雞肉腸,只要手上一有此物,貓們即刻圍攻你!哈哈
 
貓星人都好懶洋洋,經常訓教任人摸<3
 
有好多唔同品種既貓星人,每隻既名都係本名冊入面,有啲好懶有啲好活潑,見到佢地,心都被治癒喇~
 
雞串,香香既燒汁味,但雞串食落已經凍左,肉質都較普通,冇咩口感,但仍可接受
 
燒雞扒飯,飯量實在有夠多,雞扒有燒汁味,但唔夠配飯,食物普普通通,但周圍有貓貓玩,環境勝一齊了~
 
買飯盒更送一個紙包飲品,解渴一流呢~
 
有關貓の茶房
地址:荃灣大河道45號樹勳樓1樓
電話:2149 6261
 

評分詳情可按以下OpenRice連結喔!
 
 
email: puishan123456@yahoo.com.hk
以上全屬個人分享
文章標籤

PP 發表在 痞客邦 留言(0) 人氣()

一諗起有得同FD去食雞煲就覺得興奮,
享受到香濃美味既雞煲之餘仲可以打邊爐!
黎到尚上下夏 - 養生雞煲火鍋,個名幾搞笑,而且仲要係養生

室內環境都幾特別,西式簡約風格,平時食雞煲會好茶樓FEEL,但依間絕對唔係XD
環境都幾舒服,而且7點幾入座勁少人,可能因為9點後有折既關係
先黎個前菜先,溏心皮蛋豆腐,賣相好靚,由於我唔食皮蛋關係,評唔到~不過朋友話好食
豆腐好滑,本身冇咩味但配番佢上面既醬汁,好正
再來就係雞煲喇~~一邊係葯材,一邊係麻辣,唔太好辣既我就緊係食葯材果邊XD
啲雞好入味,唔會舊舊都係骨,帶點甜味,抵食又好食
黎個湯底特寫,係藥膳龍蝦湯底~
生猛海蝦大大隻呀!而且個POSE好有型,多肉而且鮮甜,食幾隻都冇問題!
未食過咁大隻帶子呀!!見到好驚訝,食落去一啲都唔韌,仲好juicy tim呀!!
鮮味出晒黎,超推介!黎到一定要嗌碟xd
黎到依到一定要食牛魔王拼盤!三層唔同既肉食,個個都岩食,
肥牛唔會太肥,牛味濃郁,而且用未經漂白既黑柏葉,真係夠晒good
件件都好新鮮,係店家既皇牌~
唔係講笑,貢丸之中係我食過最好食,又juicy又彈牙,口中咬開會爆汁,而且夠大粒好抵食
美國桶蠔好厚肉,不過某D位好韌,好難咬開,其他兩個都被朋友搶食,不能盡評
什菇籃什菜籃既份量同選擇都多!大大盆好夠食,而且望上去都新鮮乾淨,推薦中意食既朋友~
炸響鈴,不得不吃!店家新鮮即炸,一浸即淋,軟脆得黎好好食
飲品方面,較推薦佢地既菊花蜜,清甜解渴,而且都幾大杯
牛奶布丁則甜味多過奶味,果醋酸甜又開胃


由於係平日食同入座所以都唔算多人,侍應服務周到,而且環境舒適
必食之選少不了雞煲同海鮮,而且打邊爐都唔少得貢丸同牛魔王拼盤,
食物新鮮而且幾乾淨,9點入座仲會平啲TIM!

評分詳情可按以下OpenRice連結喔!

email: puishan123456@yahoo.com.hk


theztyleUBeautyshe.com *beautyexchangeQooza BeautyiTrialfnbELLEglamaclubblogspotWeShare
以上全屬個人分享

PP 發表在 痞客邦 留言(0) 人氣()

韓式自助燒就吃得多,和朋友聚會是一大抵食選擇
不過吃來吃去也是那些,總會覺得有點悶~
今次跟著朋友來到了OPPA韓國燒肉店,實在是太棒了~!
PP不太會尋美食,經朋友介紹下,就來到了這間韓國燒肉店~興奮~


店內位子亦很寬敞,而且牆上壁畫很有特色
每個爐上方也設有一個抽氣喉,減少油煙的味道喔!
其椅子一打開便是一個儲物盒,實在是慳位又安全



OPPA韓國燒肉店的特色就是,會有服務員為你燒肉,不用自己動手,實在是享受!
日本A4和牛肩肉($238)味道香濃,韌度十足,新鮮燒製,能夠突出本身的牛肉味


澳洲M6和牛肩胛肉($188)牛蘇味比較重,比A4和牛肩肉韌,
配合韓國特色吃法,生菜包一口飯,燒肉及配料,口感Juicy,又是另一種享受呢~



五花腩($98)味道很香,因為不吃肥膏關係,我會把膏位去掉才吃~不過依然好吃~
日本豬西冷($138)肉質鮮嫩可口,超級推薦!


這兩碟是抵食之選,價錢平而且份量夠多!肉質相對易入口,吃著吃著都不覺飽xd





海鮮方面,
大虎蝦($138)和原隻帶子($128)燒得金黃色,而且很有鮮味,大家也吃得津津有味
原隻魷魚($88)看著服務員為我們分魷魚的過程,感覺有點奇妙,
魷魚燒後很脆身,而且乾乾的,不過幾人分也夠抵食!
銀雪魚扒($138)魚肉口感嫩滑,而且用上牛油燒,味道香得不得了

熟食方面,點了泡菜豆腐湯 ($68)和煎韓式海鮮餅 ($88)
泡菜豆腐湯對我來說有點過辣,所以只吃了幾口,不過喜愛泡菜的朋友可以一試
煎韓式海鮮餅十分香脆,配其醬汁,帶點酸味,十分好吃!原本的油膩感完全吃不出呢~
最後,當然少不了雪糕~這個雪糕有真的果肉,而且味道也濃,大家不妨一試!
建議先解一解凍再吃,口感滿分!!

評分詳情可按以下OpenRice連結喔!

email: puishan123456@yahoo.com.hk


theztyleUBeautyshe.com *beautyexchangeQooza BeautyiTrialfnbELLEglamaclubblogspotWeShare
以上全屬個人分享

PP 發表在 痞客邦 留言(0) 人氣()

即興和朋友來到超受歡迎的熱狗店ICONIC H
最吸引的就是那滿滿的熱溶芝士,佈滿整個熱狗!!
真的看到也流口水
網上流傳了一條短片是一堆芝士倒滿整個熱狗的情境
看完令人不心動也怪~~~

外賣紙 - 紅磡的ICONIC H)
外賣紙
由於來到已經有一大條長龍,所以先拿外賣紙決定點什麼
外賣紙也很快被人們拿光!輪侯需10分鐘或以上
因為店舖很小,容納人數的地方也不多

店內照片 - 紅磡的ICONIC H)
店內有照片參考,只要見到這些照片,距離點餐亦不遠已

收據 - 紅磡的ICONIC H)
我點了芝士脆皮腸$25 + 熱溶芝士$10 (必點!!)
由於很多人,所以輪候時間有點長,如果超餓的一定不能來這間xd

ICONIC H的相片 - 紅磡)
由於那邊地方淺窄且多人,所以堂食基本上沒可能,所以我們拿到附近的麥記品嚐(欠打 --)

芝士脆皮腸加熱溶芝士 - 紅磡的ICONIC H)
芝士脆皮腸加熱溶芝士 - 熱溶芝士是必吃之選HK$ 35
期待已久的芝士脆皮腸熱狗登場!看見已流口水~~
啖啖濃郁的芝士味,吃下去有滿足的感覺
但脆皮腸不太脆皮,而且味道全被芝士搶走
咀嚼芝士的感覺仍在回憶,而且又飽肚,非常抵食!
排了那麼長龍也十分值得等待~~


評分詳情可按以下OpenRice連結喔!



email: puishan123456@yahoo.com.hk


theztyleUBeautyshe.com *beautyexchangeQooza BeautyiTrialfnbELLEglamaclubblogspotWeShare
以上全屬個人分享

PP 發表在 痞客邦 留言(0) 人氣()